Sabti 06/ Muxarram 1422 31/03/2001 Garowe WARSIDAHA 

Madaxweynaha Dawlad Goboleedka Puntland Md, C/laahi Yuusuf Axmed, ayaa maanta xiskin kulul (11:30 Subaxnimo) isaga iyo wafdigii uu hoggaaminayey ay dalka Puntland ku soo noqdeen iyagoo ka soo degay Garoonka Diyaaradaha ee Kanoko (35km) ka xiga Waqooyiga Magaalada Garowe...

Waxaa Madaxweynaha iyo wafdiga la socday halkaas ku soo dhoweeyey M/weyne ku-xigeenka D/G/P/Land Md, Maxamed Cabdi Xaashi, Marwadda Madaxweynaha, Xubnaha Golaha Xukuumadda, (Golaha Wakiillada waxaa u socday kalfadhi aan caadi ahayn)... Saraakiisha Dawladda Ciidan iyo Rayid-ba iyo dadweyne aad u faro badan...

Diyaaradda hoosteeda labo gabdhood oo ah Ubaxa Gobolka Nugaal ayaa midina xirmo ubax ah qoorta u galisay, midina xirmo kale gacanta uga dhiibtay... 

Madaxweynuhu ka dib markii uu salaan sharaf ka qaatay cutub ah ciidamada, iyadoo kooxda musiga tumayaan kuna godlan yihiin heesta Calanka Soomaaliya... wuxuu ku soo meeray oo gacan-qaaday in badan oo ka mid ahaa dadkii garoonka ku soo dhoweeyey... ka dibna waxaa waddada dheer xagga Garowe ula soo qul-qulay xiriir baabuur oo ili ku wareertay isdaba-haya, iyadoo dadweynuhu lulayaan calammo, oo ay qaadayaan heeso ay ku durbaansanayaan ... baabuurta hore waxay higsanaysay reegaanka durbaannada kooxda musiga... 

Baabuurka Madaxweynaha (nooc sare oo ah Land-cruiser) oo daaqaduhu u furan yihiin ayaa madaxweynuhu gacantiisa oo dibedda joogta dhinaca ka ruxayey, dhinaca kalena waxaa iyana gacanteeda ka ruxaysay Marwada Madaxeynaha Marwo Xaawo Cabdi Samatar, iyagoo si diiran u salaamayey dadweynaha waddada hareeraheeda calaacalahooda furan caleemaha iyo maryaha soo dhoweyn ugu lulayey, ilaa baabuurka Madaxweynaha siday uu ka galay irridda ballaaran ee Madaxtooyada Garowe ku taal, ee dhinaca qibladda u jeedda !!! 

Madaxweynuhu wuxuu nastay duhurnimaddaas iyo casarkeeddii... habbeemimaddii ayuu qaabbilay mas’uuliyiin sidii ay u kala mudnaayeen ugu soo kala hormaray... subixii Axadda ee 7/Muxarram 1422, oo ku beegnayd 01/04/001-da ayuu xafiiskiisa caadi u soo fariistay... saacaddii 19: 00 Fiidnimo-na shirkii ugu horreeyey ayuu aqalka shirarka ee Madaxtooyada kula yeeshay Golaha Wasiirrada Dawlad Goboleedka Puntland... mas’uuliyiinta Madaxweynaha Dibedda u raacday kalana soo noqotay waxaa ka mid ahaa Wasiirka Kalluumaysiga iyo Khayraadka Badaha Md, Cali Ismaaciil Cabdi Giir iyo Wasiirka Ganacsiga iyo Warshadaha Md, Axmed Cabdi Maxamuud (Xaabsade)... 

Arrimo faro badan ayaa Madaxweynaha guul fadhi u ahaa!!! Oo markuu yimi wada kuur-kuursaday!!!. Isla Axaddaas saacddii 11: 30 Aroornimo ayaa Madaxweynuhu wuxuu xafiiskiisa Madaxtooyada Garoowe ku taal ku qaabbilay WARSIDAHA IYO RADIO-GALKACAYO, wuxuuna siiyey warbixin dheer oo  

Eeg Bogga Xiga....

WARSIDUHU ka soo qaadanayo qaybahaan soo socda, waxaana hadalladii Madaxweynaha ka mid ahaa:-

Bilowgii bishii hore, (Marso) ayaannu dalka ka dhoofnay aniga iyo wafdigii Puntland ee aan hoggaaminayay oo u ambabaxnay dalka Ethiopia... halkaas oo ay ku shireen Magaalada Awaasa (Magaalo Madaxda Gobolka Awaasa ee Koonfur ka xiga Adis-ababa iyo Gobolka Shawa )... halkaas oo ay ku shireen ururrada Soomaaliyeed ee ka soo horjeeda mu’aammaraddii Carta lagu maleegay... iyo annagoo Maamulka Puntland ahaan kala qaybgalnay... shirkaasi wuxuu qiimayn ku sameeya xaaladda guud ee

Soomaaliya... wuxuu isla qiray nabadgalyo xummadda ka dhalatay wixii Carta lagu dhisay... wuxuuna isla gartay in la sameeyo qaab lagaga hortago dhibaatooyinka iyo nabadgelyo-xumada kooxda Carta ay ka samaynayso gobol kasta oo Soomaaliya ah... Si ujeeddadaas loo fuliyo waxaa la dhisay urur cusub oo wadar ahaan loogu wada jiro (Dallad Guud) ...waxaanna lagu magacaabay S.R.R.S (The Somali Reconciliation and Restoration Council)... ama (Golaha Dib-u-Heshiisiinta iyo Dib-u-soo-Noolaynta Soomaaliya)... ujeeddooyinka magaca ayaa laga garanayaa... waxaanna mudnaanta koowaad la siinayaa ka hortagga iyo ka gaashaamashada dagaallada iyo fidmooyinka Kooxda Carta ka horseedayso gobolladda kala duwan ee Soomaaliya...

xaqiiqadu waxa ay tahay, haddii abuubullada Kooxda Carta, ay hirgalaan, Soomaaliya waxaa ka dhici doona wixii horay uga dhacay wax ka-sii-xun... oo ka sii daran... 

waxaan ku faraxsanahay inaannu shirkaas ka qayb-galnay, wixii badbaadinta iyo dib-u-soo-noolaynta Soomaaliya ahna aannu intii tamartayo ah gacan ka gaysannay.... Kooxaha shirayey waxay u badnaayeen Koonfurta Soomaaliya oo hadda dhibaatooyinku u badan yihiin...

sida wax-u-dhismeen waad maqasheen oo Idaacaddaha ayaad kala socoteen... Puntland ka mid ma aha qaabka dhismaha... hase yeeshee, dhismaha ururkaas annaga ayaa saxeexa hore yeelannay, annagoo taageero siinaynay dhismihiisa iyo ujeeddooyinkiisa... ka dib wafdigayagu wuxuu ku soo noqday Addis Ababa... waxaannu Xukuumadda Ethiopia kala xaajoonnay xiriirkeenna waanuna u riyaaqsanahay natiijooyinkii aannu isla gaarnay... waxaannu kale oo Addis Ababa kula kulannay Dibplomasiyiin kala duwan oo ay ka mid ahaayeen Xog-haya Guud ee Qaramada Midoobey Kofi Anan iyo Xog-haya Guud ee Midowga Africa Salim Axmed Salim... 

Cid walba waxaannu ka wada hadalnay danaha Soomaaliya iyo kuwa Puntland... ururka sida aad Idaacadaha ka maqasheen, waxaa loo dhisay Madaxtooyo iyo Hay’ad fulineed... shaqaalihii Qaramada Midoobey iyo ururrada kale ee caalamiga ah ee Muqdisha lagu weeraray, waxaa mas’uul ka ahaa Kooxda Carta... Muuse Suudi Yalaxow, xaq ayuu u lahaa inuu is-daafaco, markii weerar loo soo abaabulay... Soomaaliya marxalad adag ayey maraysaa... waxaa loo socdaa in la qabto shirweyne Qaran... iyadoo ka hor la soo dhisayo Dawlad-Goboleedyo...

FARRIIN MADAXWEYNE.

Waxaan salaamayaa dadweynaha Reer Puntland... annigoo u rajaynaya mustaqbal wanaagsan iyo horumar... waxaan dadka Reer Puntland ku guubaabinayaa inay ilaashadaan nadaamkooda iyo habka ay iyagu dhisteen.... una feejignaadaan amnigooda iyo xasiloonidda deegaann-adooda....

WARARKA GOBOLLADA PUNTLAND

1.     MAAMULLADII GOBOLKA SOOL IYO DEGMADA LAS-CANOD OO WAX LAGA BEDELAY

Madaxweyne-ku-xigeenka D/G/P/Land, Md, Maxamed Cabdi Xaashi, ayaa taariikhdii 29/03/01-da xafiiskiisa ka soo saaray

Dikreeto Lam. Yahay 196, oo uu wax kaga beddelay Maamulladii hore ee gobolka Sool iyo Degmada Las-Canod... Madaxweyne-ku-xigeenku wuxuu sababaynta dikreetadaas ku sheegay in wax-ka-beddelka  Maamulladaasi uu ka dhashay talo-soo-jeedinta Wasiir-ku-xigeenka Arrimaha Gudaha, tallooyinkii Guddigii Siyaa-sadda, Nabadgelyada Dha-qaalaha iyo Tallooyin Xil-dhibaannada Golaha Wakiilla-da qaarkood... iyo dib-u-dhaca ku yimid Maamulka Gobolka Sool... Madaxweyne-ku-xigeenku wuxuu dikreetadaas ku sheegay inuu shaqadii ka ruqseeyey Guddoomiyihii hore ee Gobolka Sool iyo Duqii hore ee Magaalada Las-Canod...

Maamulka Cusubi sidaan ayuu u dhisan yahay :- 

1.             Axmed C/Lahi Xasan (Rooble)Guddoomiyaha Gobolka Sool

2.             Sulub Cali Gaas Guddomiye.Ku-xigeenka Gobolka

3.             Cawil Salleebaan Xaaji Axmed (Isu-duwaha Dawla-daha Hoose ee Gobolka Sool)

4.             C/Casiis Jaamac Faarax(Xisaabiyaha Gobolka Sool) 

DEGMADA LAS-CANOD

1.           Maxamed Axmed Cusmaan (Tuuhe) Duqa Magaalada Las-Canod

2.           Axmed Cabdi Laan-gadhe(Ku-xigeenka Duqa Magaalada Las-Canod)

3.           Bille Saleebaan Cali(Xog-hayaha Dawladda Hoose)

4.           Cabdi Qowdhan Warsame (Xisaabiyaha Dawladda Hoose)

5.           Qasnajiga Dawladda Hoose (Waa jago Bannaan). 

2. GUDDOOMIYAHA GOBOLKA NUGAAL IYO WAFDI UU HOGGAAMINAYO OO KORMEER KU TEGAY DEGMADA BUURTINLE 

Khamiis 29/03/001.

Wafdi uu hogaaminayo Guddoomiyaha Gobolka Nugaal Md.    C/laahi Xassan Faarax      (Bassaweyne) oo ay weheliyaan Taliye-ku-xigeenka Qaybta Booliska Gobolka Nugaal G/dhexe Siciida Warsame Jaamac iyo Duqa Magaalada Garowe Daahir Cali Ciise, ayaa Kormeer hawleed ku tegay Degmada Buurtinle, Kormeer-kaas oo ay ugu kuurgalayeen xaaladda Nabadgeliyada iyo xasiloonida iyo sida hawlaha degmadu u socdaan.

 Wafdiga waxaa warbixin kooban ka siiyay Guddoomiyaha Maamulka Degmada Buurtinle, Maxamed Jaamac Salal iyo Taliyaha Saldhigga Degmada Dhamme Dhegafiin. Guddoomiyaha Gobolka Nugaal iyo Wafdiga uu hoggaaminayay oo dadweynaha kula shiray Xarrunta Maamulka degma-da, waxay kala hadleen sidii loo sii wanaajin lahaa nab-adgel-iyada, xasiloonida, iyo sidii loo hormarin lahaa Deg-mada iyagoo ku booriyey da-dweynuhu inay bixiyaan Canshuuraha Dawlada ee ku  baaqatay iyo in ay gacan ka geystaan urrurinteeda,Guddo-omiyaha  iyo Wafdiga uu hogaaminayo intii ay joogeen degmada waxay soo eegeen Xafiisyada Laamaha Dawlada ee halkaas ku yaal, Guddoomiyaha iyo wafdigiisu waxay dib ugu soo laabteen Gobalka Nugaal ee Garowe. 

XOG-HAYAYAASHA URURKA S.R.R.C OO DHOWAAN LAGU DHISAY MAGAALADA AWAASA (ETHIOPIA).

uddoomiyaha xilligan ee ururka S.R.R.C. ee dhowaan lagu dhisay Magaalada Awaasa (Koonfurta Ethiopia) Eng. Xuseen Maxamed Faarax Caydiid, ayaa dikreetadii ugu horreysay oo uu soo saaray 29/03/01-da, ku magacaabay Xog-hayayaasha oo ah Hay’adda fulinta (oo u dhiganta Gole-Wasiirro) ee ururkaas... waana kuwan :-

1.      Dr. Yuusuf Cumar As-Hari                   Xog-hayaha Arrimaha Dibedda

2.      Xasan Cabdulle Qalad                          Xog-hayaha Arrimaha Gudaha

3.      Gen. Maxamed Siciid Morgan  Xog-hayaha Difaaca

4.      Sh. Aaden Maxamed Nuur                   Xog-hayaha Maaliyadda iyo Khasnadda

5.      C/raxmaan Mataan Qadar                    Xog-hayaha Beeraha

6.      Cabdi Warsame Isaaq                          Xog-hayaha Arrimaha Siyaasadda

7.      Maxamed Sayid Cumar                        Xog-hayaha Arrimaha Bulshada

8.      Sh. Jaamac Xaaji Xuseen                      Xog-hayaha Cadaalada iyo Arrimaha Diinta

9.      Maxamed Diiriye Cilmi             Xog-hayaha Warfaafinta

10.  Xasan Maxamed Cusman (Jumbur)       Xog-hayaha Dib-u-heshiisiinta

11.  Maxamed Ibraahim Maxamed  Xog-hayaha Arrimaha Qaxootiga

12.  Cabdul Casiis Sh. Yuusuf                      Xog-hayaha Caafimaadka

13.  Maxamuud Sayid                                  Xog-hayaha Deegaanka

14.  Cabdalla Bashiir Cabdi             Xog-hayaha Dib-u-dejinta

15.  Nur Xaaji Maxamed                             Xog-hayaha Xannaanada Xoolaha iyo Horumarinta Miyiga

16.  Cabdi Mahdi                                        Xog-hayaha Kalluumaysiga iyo Khayraadka Badda

17.  Maxamed Siciid Naalleeye                    Xog-hayaha Macdanta iyo Biyaha

18.  Gen. Cumar Xaaji Maxamed                Xog-hayaha Sancadda iyo Ganacsiga

19.  C/laahi Daahir Barre                             Xog-hayaha Boosaha iyo Isgaarsiinta

20.  Sh. Abuukar Maxamed Nuur                Xog-hayaha Tamarta iyo Korontada

21.  Muuse Cali Cumar                                Xog-hayaha Dhismaha iyo Arrimaha Federaalka

22.  Cusmaan Abukar Mahdi                       Xog-hayaha Dekaddaha iyo Gaadiidka Baddaha

23.  Eng. Aweys C/qaadir Shiikh                 Xog-hayaha Gaadiidka Dhulka iyo Cirka

TACSI AYAY KA DIRAYAAN GEERIDDII MARXUUM MUUSE ISLAN

Dhammaan dadka Magacyadoodu hoos ku taxan yihiin ayaa tacsi uga diraya eheladii, qaraabadii iyo asxaabtii, geeridii naxdinta lahayd ee Marxuum Muuse Islan Faarax... iyagoo marxuumka Illaahay uga baryaya naxariis iyo Janno....

Eheladii, Qaraabadii iyo Asxaabtiina samir iyo iimaan...

Suldaan C/qaadir Cumar, Xildhibaan Xuseen Maxamed Cigaal, Xildhibaan C/risaaq Yaasiin, Nabadoon Yaasiin Cali Faarax, Nabadoon Siciid Jaamac Yuusuf, Nabadoon Cali Barre Xuseen, Nabadoon Axmed Jaamac, Nabadoon C/qani Siciid Cali, Nabadoon Muuse Siciid Xaaji Maxamed, Nabadoon Dayib Guurre Faarax, Nabadoon Jaamac Cabdi Barre, Nabadon Xasan Gowl, Nabadoon Khaliif Maxamed Cali, Samadoon Axmed Cali Ciid, Samadoon Axmed Faarax Weyrax, Samadoon Yaasiin C.Wayrax, Samadoon Maxamed Ciise Wayrax, Samadoon C/laahi Saalax Xuseen, Samadoon Maxamed Cartan Dirir, Samadoon C/raxmaan Macallin Daahir,  

Eeg Bogga 7-aad

SHACBIGU PUNTLAND JECELAA!!

Maalintii Jimcaha ee 05 Muxarram 1422... 30/03/2001-da ... duhurnnimadii markii Salaadda Jimcaha laga soo dareeray,  ayaa Magaalo-Madaxda D/G/ Puntland ee Garowe, waxaa xulay war oranaya wa-xaa maanta Garoon-ka Konoko ka soo degaya Madaxweynaha D/G/ Puntland iyo wafdigii uu hoggaaminayay... mar kaliya ayaa Fardihii la wada heensay-stay!!!  

Intaas oo raysimo oo dadwey-naha ah oo ka soo kala dillaamay sararaha Magaalada, Caloosheeda iyo waaxyaheeda ayaa gurdanka isku darsaday... Riigaanka ayaa isu yeeray... Higilkii isla qulqulay, wuxuu isku gaaray Garoonka Konoko oo magaala-madaxda Garowe u jira in ka badan 35 km ...

Waxaa halkaas isugu tegay Xubnaha Golaha Wakiillada, Xubanaha Golaha Wasiirrada, Saraakiisha Ciidammada iyo Maamulka D/G/Puntland ...  

Dadweynuhu wadadaas dheer iyo qorraxdaas kaliisha ee dubka sulaysa, waxay ku soo mareen Calammo Baabuurta uga babbanaya... Heeso Makarofoonadoodu cirka ku shareerayaan... hadda markii ay Garoonka Konoko isugu yimaadeen ayay mar kale qoraxdii Raabe- Raabe  isu tubeen ... 

Iyagoo sidii Calammadii u luluya ayay la kala jeesteen  cayaarahii hiddaha iyo dhaqanka iyo heesihii... qoraxda kaliisha Nugaaleed ee dubka shiilaysa ayay dadweynahaasi cayaarahaas iyo ololahaas ku jireen ilaa makhribkii... fiidadowgii markii ay hubiyeen in Diyaar-addii Madaxweynuhu baaqatay oo aanay soo guuraynayn ayay Bulaankoodii iyo Bulxankoodii haddana waddada dib- u-gu sii mareen ... iyagoo diyaar u ah

 (sida niyadooda ka muuqa-naysay ) inay Berrina Garoonka qaabk-aas ugu soo noqdaan... oo niyadaa sare ku soo dhowee-yaan Madaxweynaha D/G/ Puntlan iyo Wafdiga uu hoggaam-inayo  dhab ahaan...!!! shacbigu Puntland Jeclaa !!!!.

Annagoo aan Ceel iyo Carshin midna ku coloobin !!! annagoo dhiig iyo dhaqan midna aan ka haynnin!!! Iyadoo aan deegaankayaguba is gaarin ... aryahaya-gii una wada daaqin ... kuwii sababo aannan ogayn noo nacay noona Nebcaaday !!! kuwii badahayaga sunta ku daadiyay !!! Ee Xayawaankii oo dhan ku laayay !!! kuwii berrigayaga Nukleerka gees walba kaga duugay !!! kuwii hawadayada sunta ku firdhiyey si aannu u  neefsanno hawo sumaysan kadibna aannu u qaadno lafo garaac, is jiid iyo cudurro aan dhammaan oo  aannan hore u aqoon .... si qofkayagu uu waligii u ahaado mariil jiitamaya oo aan bogsood lahayn !!!

Kuwii faro,  Xadeed iyo Sool la bartay sanad walba inay ku qarxiyaan sun hawada ay ka soo tuureen!!! Si xoolaha iyo dadkaba ay ugu Beeraan  Cudurro cusub, kadibna ay noola daba joogaan waanu baaraynaa iyo dawo ayaannu u keenaynnaa !!! kuwii Hiiraan geela ku duray  Cudurka sanka dhiigga ka keena, si uu u yeesho Geeri badan, Rimi waa, Dhicis iyo Gaban-Tuur , Uh, Dhukaan iyo Dhugato ... Kuwii isu kaashaday in Xoolahayaga dhoofka la xayiro, si aannu u ahaanno Baahanayaal gacanto-oda wali-good dhowra !!! ma naxayaashii oo dhan !!! cadd-aan iyo Carab gudguduu danbe!!! Min london iyo glass gow !!! ilaa Sanca iyo Riyaad !!! hadda waxaa ku habsaday cabeeb !!! oo ciqaab ALLE ayaa ku degtay !!! ALLAA nooga aargooynaya!!! Hadda waxaa ka dhamaaday hayooy iyo waawaray !!! isdaaweeya idinku !!! waxba annaga ha nagu warwareegina e!!! caalku iyo cabeebku waa ciidan Ilaahay !!! oo sir maqabe ALLAA u sahan ah !!! waligeedba ha dhaalayso !!! .

WAXAA AMMAAN HELAY QORSHAHA 2001-DA-2003-DA EE D.G.P.L

Madaxweynaha Dawlad Goboleedka Puntland Md, C/laahi Yuusuf Axmed, oo dalka ku soo laabtay maalintii Sabtidii 31/03/01-da, ayaa subixii ku xigay ee Axadda 01/04/01-da isagoo ka siibtay Staff-kiisii iyo Ilaaladiisii ayuu booqasho lama filaan ah ku soo maray Xafiiska Madaxweyne-ku-xigeenka (Salaan iyo Bariido) ka dibna kormeer hawleed ku soo maray :-

 1.     Xafiiska Wasiirka Kalluumaysiga Iyo Khayraadka Badda

2.     Xafiiska Guddiga Qandaraasyada

3.     Wasaarradda Qorshaynta Iyo Iskaashiga Caalamiga ah

4.     Maamulka Madaxtooyada

5.     Agaasinka Guud ee Tamarta, Biyaha Iyo Khayraadka Dabiiciga ah...

6.     Garyaqaanka Guud

7.     Agaasinka Guud ee Shaqadda Iyo Shaqaalaha

8.     Agaasinka Guud ee Miino-Saarka...

9.     Barxadda weyn ee Magaalada Garowe...

Madaxweynuhu wuxuu u bogay oo ammaanay, qorshaha 2001-da-2003-da ee Dawlad Goboleedka Puntland, oo ay ka warbixiyeen Wasiirka Qorshaynta iyo Iskaashiga Caalamiga ah Md, Dr. Maxamed Xasan Nuur iyo Khabiirka ah C/laahi Shiikh Maxamed oo ka socda Hay’adda UNDP.

Madaxweynaha ayaa Ag-aasimaha Guud ee Tamarta, Biyaha iyo Khayraadka Dabiiciga ah Eng. Abshir Muuse Siciid weydiiyay  warkii ugu dambeeyay ee Ceelkii Buurtinle... Injineerku wuxuu sheegay in ceelkaas hawlihiisa ay ballan-qaaday Hay’adda DIAKONIA- Sweden... Agaasinka Guud ee Shaqada iyo Shaqaalaha ayaa sheegay in diiwaan-gelinta shaqo-soo-galka iyo shaqo-ka-bixidda hay’adaha Dawlad Goboleedka Puntland baddankoodu ku liitaan...  

Wuxuu kale oo sheegay in hay’adaha qaarkood aanay soo wada gudbin galalkii iyo CV-yadii shaqaalahooda... Madaxweynuhu wuxuu amray in qolka hadda makhaayadda ah loo beddelo qolka tabbarrada shaqaalaha... Agaasimaha Guud ee Miino-Saarka ayaa sheegay in hay’ado badani la soo xiriireen... ayna filayaan in hawlaha Miino-Saarka  dhowaan wax-ka bilaabmaan.... 

Madaxweynaha ayaa til-maan buuxda ka bixiy-ey khariiradda Miin-ada ee Deegaannada Puntland...

OGAYSIIS: GO’AANKA DAWLADDA HA LA DHOWRO!!!

Guddoomiyaha  Gobolka Nugaal ayaa soo saaray ogaysiinkan hoos ku qoran ,ogaysiiskan oo sumadiisu tahay PL/GN/555/2001, kuna taariikhaysan 31/march/2001, toosna ugu socday : Wasaaradda Arrimaha Gudaha iyo Amniga Dadweynaha Garowe , Taliyaha Qaybta Boliska Gobolka Nugaal Garowe , Duqa Magaalada Garowe , WARSIDAHA Puntland Garowe , ogaysiisna ay ku ahayd Wasaaradda Hawlaha Guud iyo Gaadiidka Garowe, Madaxweynaha Dawlad Goboleedka Puntland Garowe , uuna ku sixiixnaa gudoomiyaha gobolka nugaal, Mudane C/laahi Xasan Faarax ayaa u qornayd sida tan:- 

Sida lawada ogyahay Golaha Wasiiradda iyo Madaxweynaha Dawlad Goboleedka Puntland , waxay go’aan ku gaareen dhulka aira boorkii hore, oo wakhti dhaw la calaamadiyay waxaa la go’aamiyay in dowladda la wareegto dan guud awgeed.

Waxaa kale oo go’aankaas ka mid ah in la iibiyo, lacagta ka soo gashana lagu sameeyo ayraboorka kale ee laga calaamadiyay MUQLA -TAAG -TAAG.

Haddaba , waxaa dadweynaha loo sheegayaa in ay go’aankaas xurmeeyaan iyadoo lagu fulinayo danta guud ee ummadeed.Waxaa looga digayaa Dadweynaha in ayan jiri karin cid sheegataa dhulkaas, lacag haku bixiso ama haku habsato, habka loo gadayana waxaa loo qabtay Guddi maamulkaas looga danbeeyo, wax garadka iyo Isimmada.

 [

Mahadsanidiin

C/laahi Xasan Faarax

Guddoomiyaha Gobalka Nugaal