Warsidaha Puntland

Madaxweynaha Dawlad Gobol-eedka Puntland Mudane, C/laahi Yuusuf Axmed, ayaa taariikhdii 11/04/01-da soo saaray afar dikreeto oo is-daba-jooga… dikreeto Lam. 200 wuxuu Duqa Degmada Bosaso ku magacaabay Yuusuf Maxamed Wacays, wuxuuna xilkii kaga qaaday Duqii hore ee degmada C/risaaq Siciid Aadan…Dikreeto Lam. 201, wuxuu duqa Degmada Isku-shuban ku magacaabay Yuusuf Xaaji Nuur (Shimbiro erri), wuxuuna xilkii kaga qaaday duqii hore ee Degmada Axmed Cali Huruuse… Dikreeto Lam. 202, wuxuu Guddoomiyaha Gobolka Bari ku magacaabay Yaasiin Cumar Dheere, wuxuuna xilkii kaga qaaday Guddoomiyihii hore ee Gobolka Cali Ciise Cali…

Dikreeto Lam. 203, wuxuu Guddoomiyaha Gobolka Sanaag u magacaabay, Maxamuud Siciid Nuur, wuxuuna xilkii kaga qaaday Guddoomiyihii hore ee Gobolka Cusmaan Cashuur C/lle…dikreeto Lam. 204, wuxuu ku magacaabay Duuliye Sare Maxamuud Xaaji Cilmi C/lle, inuu noqdo Maareeyaha Hay’adda Duulista iyo Hawada Dawlad Goboleedka Puntland…

Dikreeto XM/DPS/535/2001, kuna socota Xafiisyada Mad-axtooyada Dawlad Gobole-edka Puntland, Golaha Wasiirada iyo Taliyeyaasha Ciidammada Booliska iyo Daraawiishta… og-na ugu socoto dhamaan Waaxyaha iyo Hay’adaha Dawladda Puntland… ujeeddadeedana tahay:-

NABAD-GELYADA DALKA PUNTLAND

Wuxuu Madaxweynuhu ku sheegay in Golaha Wasiiradu taariikhdii 10/04/01-da, Guddoomiyey in:-

1.Wax walba loo huro jiritaanka iyo nabad-gelyada Dalka Puntland…

2.Dib-u-habayn deg-deg ah lagu sameeyo Maamulka iyo Ciidammada Puntland… howshaasna ay fuliyaan Mada-xtooyada, Wasiirada iyo Taliyeyaasha Ciidammada Booliska iyo Daraawiishta…

3.Bolisku hawl-gal deg-deg ah ka galo fal-dambi-yeedyadii burcadnimo, ciddii ku lug lahaydna sharciga la hor-keeno…

4.In la magacaabo Guddi baaritaan kusoo sameeya xasillooni-daradii ka dhacday dalka bilihii u dambeeyey…

Guddoomiyaha Golaha Wakiillada oo Xukuumadda soo weydiistay cidda Guddiga Doorashada howsh-eeda gacan-ku-siisa…Madaxweynuhu wuxuu dik-reeto Lam. XM/DPS/538/2001, ee 12/04/01-da howshaas u ma-gacaabay:-

1.Wasiirka Ganacsiga iyo Warshadaha, Md, Axmed Cabdi Maxamuud (Xaabsade).

2.Wasiir-ku-xigeenka Wasaaradda Arrimaha Buls-hada Injineer Maxamed Cabdi Kulmiye.

MAGACAABID IYO ISKU-BEDDEL AGAASIMAYAAL GUUD

Madaxweynaha Dawlad Goboleedka Puntland, Mudane C/laahi Yuusuf Axmed, ayaa dikreeto Lam. 211, ee taariikhda 15/04/01-da wuxuu ku sameeyey isbedel kooban Agaasim-ayaasha Guud ee Was-aaradaha, wuxuuna maga-caabay:-

1. Xasan Axmed Jaamac, Agaasimaha Guud ee Wasaaradda Iskaashiga Ca-alamiga iyo Qors-haynta

2. Maxamuud Caynab Ma-xamuud, Agaasimaha Guud ee Warfaafinta, Dhaq-anka iyo Isgaa-rsiinta.

3. Maxamuud Ismaaciil C/raxmaan, Agaasimaha Guud ee Wasaaradda Ga-nacsiga iyo War-shadaha.

Wuxuuna dikreetadaas xilkii kaga qaaday, Axmed-Nuur Xaaji Ciise Maxamuud

JAWIYADII KA DHASHAY BOOQASHADII MADAXWEYNAHA PUNTLAND EE MAGAALADA BOOCAME.

Madaxweynaha Dawlad Gob-oleedka Puntland, Mudane C/laahi Yuusuf Axmed, ayaa maalintii Sabtida ee 13 Muxarram 1422-kii—07/04-/2001-da, booqasho kedis ah ku tegay Magaalada Boocame... WARSIDAHA ayaa Guddoomiyaha Degm-ada Boocame Md, Maxam-uud Xirsi Faarax (Biixi) su’aalo ka weydiiyey booqa-shadaas... waxaa su’a-alahaas ka mid ahaa:-

WARSIDAHA:- Halkee adigu wafdiga Madaxw-eynaha ka raacday?.

Biixi:- Anigoo u soo jeeda Magaalada Garowe ayaan wafdiga Madaxweynaha kula kulmay Tuulada Buuro-Wadal… markaas ayaan wafdiga Madaxweynaha dib ula noqday oo u raacay Boocame!!!

WARSIDAHA:- Sidee shuc-uurkaagu ahaa adigoo Mad-axtooyadii Puntland oo dhan u sii daadihinaya Magaalo Madaxda deg-mad-aadii Oo ah Boocame, dadk-eeduna aanay waxba ka oggeyn in Madaxtooyadii iyo wafdi culusi ku soo jeeddaan… miyaan wel-wel iyo xil yax-yax ku hayn?.

BIIXI:- Maya… wax wel-wel ah ma aanan qabin oo dadka Magaalada yaan kartidooda iyo tabaabu-lshahooda ku kalsoonaa!!!.

WARSIDAHA:- Madaxweynaha iyo wafd-igiisu muddo intee le’eg ayey ku hak-adeen Tuulada Buuro-Wadal?.

BIIXI:- Muddo 30-daqiiqo ah… waxaa wafdigu fariistay Xarunta Kastamka halkaas oo wafdigu warbixin kaga dhegaystay aniga iyo odayaal ay ka mid ahaayeen:-

Axmed Yuusuf Casayr (Xubin Guddiga Tuulada)… Maxa-med Shire Dheere (Xubin Guddiga)… iyo Maa-mulaha Kastamka Buuro-Wadal Siciid Max-amed Geel-qaad…tu-uladu waxay sheegtay nabad… jiilaal dheeraaday… iyo dug-si la’aan… wafdigu wuxuu ugu jawaabay arri-mahaas dib ayaanu ula noqonaynaa… wafdiga waxaa Magaalada Boocame ku soo dhoweeyey odayaal… Guddiga deg-mada… Culimaa’u-diinka… iyo…

FAALLADA WARSIDAHA

1. Madaxtooyada Dawlad Goboleedka Puntland, wa-xay xusuus-qorka ku dhi-gatay sidii loo dayactiri lahaa Xarunta weyn ee horumarint bulshada ee ku taal Magaalada Boocame.

2. Wasiir-ku-xigeenka Wasa-aradda Arrimaha Bulshada, Md, Injineer Maxamed Cabdi Kulmiye…ayaa Gola-ha wasiirada D.G.Puntland u diyaar-iyay qorshe ujeeddadiisu tahay daya-ctirka Dugsiga Ho-ose/Dhexe ee Magaalada Boocame…

3. Booqashada Madaxweyn-aha iyo wafdigiisa ee degmada Boocame waxay ruxruxday biyo badan oo markii hore fadhiyey…

GOLAHA WAKIILLADA OO WASIIRKA KALLUU-MAYSIGA KU TILM-AAMAY…

Isniin Muxarram 16/1422, 09/04/01 Garowe, WARSIDAHA.

Maanta saacaddii 9:00 suba-xnimo, Wasiirka Kalluum-aysiga, Dekeddaha, iyo Ga-adiidka Badda, Md, Cali Ismaaciil Cabdi Giir, ayaa isa soo hortaagay kalfadhiga aan caadiga ahayn ee Golaha Wakiillada isagoo ku yimi yeermo Goluhu ku dalbaday inuu wasiirku Golaha hor yimaado, kalfadhigaan aan caadiga ahayn...

Wasiirka oo Golaha soo fariistay saacaddii 9:00 subaxnimo, ayaa Goluhu hadalkii siiyey saacaddii 11:00 subaxnimo, ka dib... wasiirku markuu fagaaraha isa soo taagay oo Golaha salaamay, wuxuu xigsiiyey cabasho ah inuu waqti ka badan labo saacadood Goluhu ku kor shaqaystay, isagoo intaas sugayey in hadalka la siiyo... Guddo-omiyaha Golaha ayaa arrant-aas cudurdaar ka bixiyey, isagoo sheegay in qodob xeer-nidaamiyaha Golaha ku jiraa sababay in arrintu sidaas u dhacdo...

Goluhu wasiirka Kallu-umaysiga wuxuu weydiiyey su’aalo ay ka mid yihiin kuwaan soo socda:-

Eeg Bogga 4-aad

Ka yimi Bogga 3-aad Golaha Wakiilada…

1.Shirkadda HART GROUP, shirkad caalami ah miyaa?, mase waa shirkad heer gobol ah?.

2.Sidee ayey bilowgii isu soo galeen Puntland iyo Shirkadda HART GROUP?, oo yaa is-baray oo u dhexeeyey labada dhinac?.

3.Xukuumadda Puntland, maxay damaannad ah oo ay ku aammintay shirkadda HART GROUP?.

4.Maraakiibta Baddaha Puntland ka kalluu- maysanaya, tiradoodu waa immisa?, oo yaa kala leh?, oo yaa ruqsadaha ay ku kalluumaysanayaan siiyey?, oo sidee loo hubiyey qalabka maraakiibtaas saarran?, iyo noocyada kalluunka ee ay qabsanayaan??? Iyo noocyada khasaare ee ay baddaheena iyo bad-ku-noosheena gaarsiiyaan?.

5.Adigoo ah Wasiirkii Kalluumaysiga... haddii aad ka biyo-diiday in aad shirkadda HART GROUP heshiis la saxiixatid... oo isla markaas dhinac kale oo dawladda ahi heshiiskii aad adigu ka biyo-diiday la saxiixday... Maxaad isu casili weyday? Oo istiqaalad u bixin weyday?.

Wasiirku su’aalahaas iyo kuwo kale oo badan ayuu uga jawaabay si buuxda oo ebyan... isla markaas hadalo xildhibaanada qaarkood was-iirka ugu jeediyeen kulayl iyo dhiif ayaa wasiirku ku qaabilay degenaansho badan iyo qabow aad ah... isagoo xildhibaanadaas ugu jawaabay sida dhabtu tahay oo aan lahayn laalaabasho iyo runta oo laga gaban-gaabsado midna... isla markaasna hadalkiisa uu ku dheehayo hufnaan, ixtiraam iyo qaderin golaha...

Goluhu wuxuu muujiyey inuu aad raali uga noqday saraaxadda wasiirka... xild-hibaano WARSIDUHU afka la gaaray ayaa wasiirku ku tilmaamay shakhsi aad u bisil... runtana xurmaynaya...

Sabti 14/04/2001, 20 Muxarram 1422, Garowe WARSIDAHA.

WARSIDAHA ayaa maanta Xaru-nta Madaxtooyada ee Garowe waraysi kula yeeshay Duqa Mag-aalada Qardho Md, Cabdi Cali Gayr... qaybahaan ayaana ka soo gudbinaynaa waraysigaas:-

WARSIDAHA:-Salaamu Calay-kum Mudane.. fadlan bal noo taabo arrimaha guud ee degmada Qardho.

C.C.Gayr:-Wacalaykuma salaam .. arrimaha degmada Qar-dho waxay ku sallaysan yihiin xaala-dda guud ee Puntland... dadwey-naha S/land-na wuxuu leeyahay siya-asad uu wada difaaco... oo ah

Soomaaliya waa-nu ka go’ay-naa!!! Somalida koon-furtuna waxbay wada difaa-cayaan oo ah inaanay soo celin hantida ay boobka ku haystaan... dadweynaha reer Puntland-na waxaa wada-jir uga wada sunta-nayn wixii uu wada difaacan lahaa iyo siyaasadii lagu hogga-aminlahaa... Puntland hadda waxay jirtaa labo sanno iyo sideed bilood... waxayna gaartay guulo waaweyn... waxaase hadda lagama maarmaan ah in dadw-eyn-aha reer Puntland si cad loogu faah-faahiyo oo loogu bayaansho waxa loo baahan yahay inuu wada difaacdo, madaxdiisuna ku hogga-amiso...mabaadi’da guud oo mada-xdiisu ku hog-gaamiso... waxaa

loo baahan yahay in Golaha Wakiilladu dalka sharciga ku ilaaliyo... waxy-aalaha Qardho ka jira waxaa aasaas u ah Urur (Organization) ka faa’iidaysta bul-shada jahawareersan oo aan si cad oo buuxda loogu qeexin loona taa-bsiin wixii ay difaacan lahayd... ururkaas oo tabihiisa ay ka mid yihiin inuu la baxo magacyo kala duwan oo uu ku dhuunto sida Mu-dug, Nugaal, Bari, Qardho I.W.M.. wuxuuna magacyadaas kala du-wan ugu dhuumanayaa si indhaha shacabku aanay isaga ugu dhicin... waxaana aan jeclaan lahaa dadweynaha reer Puntland in ay si fiican u gartaan waxa aan ka hadlay... waxaa indhaha dawladda iyo indhaha dadweynaha reer Puntland si gaar ah ay ugu dhacayaan Qardho,

EEG BOGGA 5-AAD

Siyaasaddiisuna waa mid ku socota qorshe is-diyaarin ah oo daba dheer...

WARSIDAHA:- Mudane, ururka aad warkiisa ku dheeraatay ma magac-aaba-ysaa, mase waxaad rabtaa in sidaas lagu mala’awaalo?.

C.C.Gayr :- Warku waa dhan yahay... caddayn danbana uma baahna..

WARSIDAHA:- Ururkaas aad sheegtay dhibaatooyinka uu xambaarsan yahay maxaa lagaga gaashaaman karaa?.

C.C.Gayr:- B) Dadweynaha ay jaha-wareerinayaan oo xaqiiqada dhabta ah la tuso.

T) In madaxda Puntland ururkaas ku dhaqaan sharciga Puntland si ay u gartaan inay dadweynaha Puntland sharc-iga ula siman yihiin...

WARSIDAHA:- Ma waxaad leedahay dadweynaha Reer Puntland ayaan fahamsanayn xaqiiqada urukaa aad ka hadashay???

C.C.Gayr:- Arrintu sidaas way ka duwan tahay... Reer Puntl-and ayaan lahayn siyaasad cad oo ay wada daafacdaan oo u wada muuqata...

WARSIDAHA:- Ma waxaad u jeeddaa Axdiga Dawlad Goboleedka Puntland laguma qeexin siyaasad cad oo madaxdu dadweynaha ku hoggaamiso??.

C.C.Gayr:- Waxaan ka hadlayaa mabaadida guud!!!.

WARSIDAHA:- Ma waxaad leedahay Axdiga Puntland Mabaadida guud oo dalka lagu hoggaamiyaa kuma qorna?.

C.C.Gayr:- Xataa haddii ay ku qoran tahay dadweynaha looma fidin oo looguma gudbin heer ay aad ugu fahmaan!!!. Haddaba anigu waxaan qabaa in dawladdu barnaamijkaas u samayso kharash iyo hawl-wadeeno...

WARSIDAHA:- Ma waxaad u jeeddaa madaxda gobolada iyo degmooyinka ha la siiyo (Political Fund) ay Barn-aamijkaas ku fuliyaan...

C.C.Gayr:- Dawladdu noocay rabto ha u isticmaasho... madaxda gobolada iyo degm-ooyinku waxay mashquul ku yihiin barnaamijyada hour-marinta...sidaa darteed, barna-amijkaas ha loo xilsaaro cid u gacan banaan...

WARSIDAHA:- Shaqada aad sheegaysaa waa tii axsaabtu qaban lahayd... ma waxaad leedahay inta axsaabtu abuu-rmayso ma sugi karto?...

C.C.Gayr:- Haa ma sugi karto... haddii aan hawshaan la qaban dhismaha axsaabta ayaa laftiisu inaga qaloocsamaya!!! Waxaan u jeedaa ururkan ayaa hawlihii dhex galaya oo qaloocinaya... waxay wataan qaabkii dikreetada ee la inagu maamuli jirey muddada faraha badan! Wax kasta oo dawladdu keentana si xun ayey u fasi-rayaan!

WARSIDAHA:- Waxaa mar jirey dad diidan in Sool iyo Sanaag ku biiraan Puntland... fikradaasi haraadi miyey lee-dahay?.

C.C.Gayr:- Dad siyaasiyiin ah ayaa arrintaas watay... iyaguna waa in ay ka tanaasulaan!! Ciddii fikirkaa qabtaa waa khaldan tahay...ciddii mooda sidaas in gobol qabo waa ay khaldan tahay!!! Ciddii mooda in dhaqaalaha Puntland gobolo gaar ah ka yimaado way khaldan tahay...Gobolada Pun-tland waa isir wadaag... waana quwad iyo miisaan siya-asadeed... sidaas darteed waa in ay wada jiraan oo ay isku xirnaadaan!!! Midnimada dee-gaamada Puntland waa muqadas... cid kasta oo Reer Puntland ahina waa in ay fikradaas u hoggaansan tahay... hadday wax kale horey u qabtayna waa in ay iska tuurtaa!!! Oo iska hurguftaa.

XAFLAD LAGU KAALEYNAYEY RADIO GALKACAYO OO MARAYKANKA LAGU QABTAY

(Somalinet) waxaa habbeenimadii Axaddii ka dhacay Hotelka weyn ee Radison ee magaalada St.Paul xaflad weyn oo ay ka soo qayb-galeen Somali aad u faro badan oo ku nool Minneapolis iyo agagaarkeeda, xafladaas oo hadafka laga lahaa uu ahaa in dhaqaalaha ka soo baxa lagu taageero Radio Galkacayo. Waxaa xafladaas kasoo qayb-galay fanaaniin waaweyn sida:- Axmed Cali Cigaal, Luul Jaylaani iyo Cabdi Jannan, sidoo kale, waxaa kasoo qayb-galay fanaaniin dhowaan suuqa fanka kusoo biirtay sida, Siciid Dheere, Iskalaaj, Maxamed yare, Xarbi, Barkhad iyo Liibaan Yare.Dhalinta soo qaban-qaabisay xafladaan waxay inoo sheegeen in Radio Galkacayo oo 1993-dii la aasaasay ay suuro-gal tahay in hadda Internet-ka laga dhegaysto.

Mineapolis Team

Warsidaha Puntland Tirsi 88-aad Khamiis 19/04/2001 Bogga 6-aad

RIWAAYADDII UGU DANBEYSAY OO KOOXDA CARTA HADDA FARTA KA QAADDAY!!!

Kooxda Carta ayaa dawlado Carabta ka mid ah waxay wax kaga qaadatay nabad-gelyada Muqdisho yaanu deg-deg u sugaynaa... kooxdu dawlad-dahaas dhaar culus ayey ugu martay in ay run sheegayso... waliba saddexdiina way ugu dartay si loo aammino... dawladdihii Carbeed waxay ku qaateen oo ku dhaqmeen muslinow run sheeg... muslinowna ka rum-ayso... Yemen, Masar, Liibiya iyo Sucuudigoo ugu danbeyn haddeer mar labaadkii lacag bixiyey... ha yeeshee kooxdii nabad-galyadii Muqdisho hanan kari weyday... warkii kooxda Sama-falka ee lagu weeraray, qaarna lagu af-duubay ayaaba adduunkoo dhami warkeedii isu tebiyey... oo ayaamo dhan isagu ahaa warka foolaadda ah...

Kooxdii arrini waxay ka gashay daba-dhiidhiiyo!!! Halkay ka baxdaa!!! Maalintii Arbacada ee 18-kii Muxarram 1422-ka... April 11/2001-da... ayaa golihii Wasiirada Carta shir saxaafadeed ku qabtay Hote-elkiisii Ramadaan... wasiirka Warfaafinta Carta, Sakariye Maxamuud Xaaji Cabdi ayaa hawada feedhay... oo qowlallada abur ka siidaayey oo dhaartay oo hanjabay oo mar kale hawadii bidix iyo midig ku feedhay... wuxuu yiri “tan aannu Itoobiya ku dhigno waa la arki doonaa”!!! waxaa hadalkii markiisa la booday Wasiir ku-xigeenka Gaash-aandhiga Carta Maxamed Maxamuud Xaddi... Shaatigii ayuu la baxay... isagoo laga baqay inuu surweelkana bixiyo, ayuu yiri “dib danbe u xishoon mayno... hadda ka dib xishoodka waanu ka tegay-naa!!! Xishoodku waa naga dhammaanayaa!!! Ethi-opia dib dambe uga xishoon-mayno!!! Xishoodka waannu deyna-ynaa!!!

Waxaa lagu maslaxay inuu shaatiga gashado... shaatigii ayuu caro ku gashaday.. isagoo iska dhigaya inuu codka umm-adda diidi kari-waayey!!!.

Maalintii Khamiista ee Mux-arram 19/1422...12/04/2001-da ayaa CabdulQaasim (jilaaga ugu weyn ee Kooxda Carta)... soo rigeyey niman uu u labisay dereyskii Milaterigii hore ee

Soomaaliya... nimankaas oo xigto, qaraabo iyo kireysanayaal ah (duruuf-maal) isugu jira ayuu ku sheegay Milaterigii hore ee Soomaaliya oo dib loo soo uruuriyey!!! Mina-subax hore ayuu salaan ka qaatay!!! Baf...Baf... ka dib iyagoo sarraxa taagaya oo sidii Komaandoostii hore qaar u codaynayaan ayaa hawshaas oo dhan cajalado Vedio-ah laga duubay ... Weriye Xasan Bariise si dadaal, daacadnimo iyo qaraabo-kiil weyn ah ayuu duubista hawshaas maqal iyo muuqaalba isaga xilsaaray!!!

Cajaladihii howlahaas oo dhan lagu duubay, gacmo lagu aamminay ayaa ula kala orday Caasimadaha Carbeed... dhibaato waa haddii cajal-adahaas xafiisyada loo kala diray qancin waayaan oo shakiga Carabta galay uu is-dhimi waayo... waxaase la rumaysan yahay in Cabdul-Qaasim yahay jilaa weyn oo tab-yaqaan ah!!! Abuu-Nawaas Bikh!!!

Maalintii Sabtida ee 21 Muxarram 1422 oo ku beegnayd 14/04/01-da... ayaa WARSIDUHU xaqiiqda ciidankaas ka warraystay Taliye Xigeenka Daraawiishta Puntland Gaashaanle Sare Cabdi Samad Cali Shire... Taliye Xigeenku wuxuu yiri :-

{{Ciidankaas oo 400 (afar boqol) oo nin ahi, wuxuu hore uga tirsanaan jirey Ciidammadii Gobolka Sool ee S/land... Bishii Julay 2000 ayuu ka soo gedooday inuu ka tirsanaado ciidammada S./land... ilaa waqtigaas waxaa raashin bil walba siin jirey Ciidanka Daraawiishta ee Puntland... Iyadoo ciidankaas mushaharkiisii dhowaan la habeeyey, ayaa Taliska Ciidammada Daraa-wiishtu, wuxuu go’aansaday in la keeno meel Taliska u dhow... si loo baaro oo loo sugo tiradiisa, magacyadiisa, galalkiisa, caafimaadkiisa I.W.M... Taliska Ciidanka Daraawiishta ayaa keenay Ligle... waqtiga Talisku go’aankaas qaatay oo fulintiisa guda galay Madaxweynaha Dawlad Goboleedka Puntland Mudane C/laahi Yuusuf Axmed, wuxuu ku maqnaa Ethiopia... wax uu go’aankaas ka ogaana ma jirin...}}

FAALLADA WARSIDAHA.

Haddaba, iyadoo runtu ay tahay sida uu sheegay Taliye-Xigeenka Ciidanka Daraawiishtu... Joornaalka KAAHA BARI... immisa arrimood ayuu indhaha masaamiir kaga muday : -

1. Joornaalku wuxuu yiri, Madaxweynaha ayaa arrinta Ethiopia kala yimid... arrintaas oo aan lahayn wax asaas ah.

2. Wuxuu yiri, waxaa lagu kordhinayaa Ciidammo laga kala keenayo Sanaag iyo Nugaal... oo ah arrin aan lahayn asaas...

3. Wuxuu yiri, Madaxweynaha Puntland wuxuu tegay Hawaash... waxba kama jiraan... Hawaash waa Haadaamo... waana Gobolka Shawa... Madaxweynuhu wuxuu tegay Magaalada Awaasa oo ah Caasimadda Gobolka Sidamo (Koonfurta Ethiopia)... KAAHU Juqraafida Geeska Africa ma yaqaan miyaa?!...

4. Subaxa Khamiista ee KAAHA la qorayo ayaa Ciidanka loo raray Gobolka Sool... taasi waxay ina xusuusinaysaa Joornaal YOOL oo caddadadiisii ugu dambeeyey mid ka mid ah inagu yiri nimankii Muqdisho af-duubka loogu haystay mid ayaa caafimaadkiisu liitaa oo u baahan in cisbitaal Muqdisho ah la geeyo... iyadoo nimankaas maalin hore lagu waraystay Nairobi oo diyaarad lagu geeyey... Joornaalka KAAHA BARI dhowaan ayaa lagu sheegay nabar caloosha ah... haddaba, waxaynu oran karnaa KAAHU wuxuu warkaan qoray waqti nabarkii calooshu ku kacsanaa!!! KAAHA- BARI Allah ha caafiyo!!!.

Asalba Saldhiga noloshu waa nabadda... raggu damac baadil ah iyo doqonnimo islaweyniyi ku dheehan tahay ayuu nabadda ku burburiyaa... ka dibna nabadda burburtay dhibaatadeedu waxay ku dhacdaa haweenka oo iyagu gacanta ku haya inta jilicsan (caruurta iyo waayeelka)... haweenku lugooyada dalka inta badan kama qayb-qaataan... markii dagaaladii sokeeye ka dilaaceen Soomaaliya, culayska badankiisii wuxuu ku dhacay haweenka Soomaaliyeed, meel ay joogaanba... haweenka Puntland tan iyo maalintaas waxay la lagdamayeen xilal fara badan oo dusha ka fuulay... waxayna uga soo baxeen si mintidnimo ah...haweenka reer Puntland, heeganka koowaad ayey u yihiin Puntland... codka... ficilka... dooda... ilaalada... difaaca... cidkasta oo arrinta hoos u eegtaa waxay qiraysaa in haweenka Puntland mudan yihiin abaal-marin iyo dheeraadba... haddaba, Maalintii Isniintii ee 9/04/2001-da-Muxarram 15/1422... Golaha Wakiilladu wuxuu cod ku bixiyey inaanay jireyn kuraasi golaha wakiillada oo haweenka abaal-marin loo siiyaa... wuxuu u codeeyey doorasho kaliya ha ku soo galeen Golaha... wuxuu meeshaba ka saaray xubinta B-ee qodobkii 40-aad ... Goluhu arrinta xaggee ayuu ka eegay?... siduu arrinta u kala illaaway??!! Waxaa lagama maarmaan ah in Goluhu arrinta dib ugu noqdo...

LEGAL ASSISTANT

DIAKONIA Sweden is an International Non-Governmental Organization, working in Africa, South-Central America, Middle East and Asia. Diakonia’s work in Somalia has been in progress since 1994.

From October last year Diakonia started to implement legal and Human Rights Program in Puntland.

The program includes training, workshops, legal and capacity building for the Judiciary, parliament and Law Enforcement. Diakonia also implements rehabilitation boreholes, Education program and Low Cost Housing Project for IDPs (Internal Displaced People) etc. Diakonia is currently looking for Law Enforcement Assistant.

Responsibilities and Duties

1. Implementing all Diakonia activities assigned by the Country Director, Legal Coordinator and Law Enforcement Coordinator

2. Working as a Facilitator in trainings, workshops and in other meetings when needed.

3. Participating in all meetings on the request of the Coordinators mentioned in paragraph 1.

4. Collecting data and taking minutes.

5. Assisting all essential arrangements for trainings, seminars, workshops etc.

6. Assisting the planning of topics/lectures in seminars/workshops, including the translations of lectures and documents from Somali to English and vice versa.

7. Implementing all his/her duties under the guidelines and directives of the legal and law enforcement coordinators of Diakonia.

8. He/she will take part in some of the trips that is work related.

9. Informing the legal and law enforcement coordinator both in oral and in written form on all his/her duties.

10. The assistant will submit an integral report on his/her work at the end of every month to the coordinators mentioned in paragraph 1.

11. The assistant must submit a final report for every particular job assigned to him/her.

12. All correspondences and all documents must be provided and submitted in English Language.

Qualifications: -

1. Social Science or Political Science degree from recognized University. Extra degree/certificate will be an advantage.

2. Extensive Knowledge in Civic Education.

3. Good understanding of International Organizations.

4. Good interpersonal skills.

5. Excellence command of written and spoken English.

6. Knowledge of Arabic and Excellence command of written and spoken Somali.

7. Good knowledge of typing and Good Computer skills.

8. Good Facilitation skills

9. Experienced in Social work is an asset.

Date of commencing:- June 1^st 2001 or soon after.

Ø Application should be received before 10^th of May 2001.

Ø Short listed candidates will undergo an interview.

Ø Interviews for the successful applicants that will not have heard anything from Diakonia by the 17^th of May 2001, please consider your application unsuccessful.

Ø Successful candidates must be prepared to work any where in the State of Puntland and relatively whole Somalia of the situation permits.

Ø Applications accompanied by: CV’s, copies of degree and testimonials.

Ø size="2">Applications should be delivered in a sealed envelopes to the addresses below:

Diakonia Sweden

Puntland State of Somalia

Garowe Office

PS. Please include your telephone contact number in your application.